Армениянын өкмөт башчысынын милдетин аткаруучу Никол Пашиняндын «Жарандык келишим» партиясы өлкө парламентинде 71 мандат алды. Бул тууралуу Борбордук шайлоо комиссиясынын башчысы Тигран Мукучян билдирди.
20-июнда өткөн кезексиз парламенттик шайлоодо экинчи орунду алган мурдагы президент Роберт Кочаряндын «Армения» блогу 29 мандатка ээ болгон. Ошондой эле шайлоодо үчүнчү болгон «Честь имею» блогуна 7 мандат берилген.
Бүгүн, 27-июнда Армениянын БШКсы 20-июнда өткөн кезексиз парламенттик шайлоонун жыйынтыгын чыгарды. Ага ылайык «Жарандык келишим» партиясы шайлоого катышкан жарандардын 53,91% добушуна, «Армения» блогу 21,09% жана «Честь имею» блогу 5,22% добушка ээ болгон.
20-июнда өткөң кезексиз шайлоого 21 партия жана 4 блок катышып, анда 1 млн 281 миң 174 киши же шайлоочулардын 49,4%ы добуш берген.