Кыргызстандык балык өндүрүүчүлөргө украиналык кесиптештеринин тажрыйбасын жайылтуу керек. Бул тууралуу Кыргызстандын Украинадагы Соода палатасынын өкүлү, ишкер Азамат Исмаилов «Маралдын» түз эфиринде айтты.
Анын айтымында, Кыргызстанда акыркы 2 жылдан бери балык өндүрүү аябай популярдуу болуп атат. Бирок жергиликтүүлөр бул ишти профессионалдуу түрдө алып кете албай, көптөгөн оорулар чыгып жатат.
«Союз убагында Украинада Балык чарбасы институту болгон экен . Ошол азыр дагы сакталып калыптыр, күчтүү илимпоздор бар экен. Биздин максатыбыз — ошол илимпоздорду алып келип, кыргызстандык балык өндүрүүчүлөргө 4 күндүк болсо да, окутуу жүргүзүү», — дейт ал.