«Коопсуз шаар» долбоору ишке киргизилген убакыттан тарта быйыл 24-июнга чейин 2 млн 448 миң 391 жол эрежесин бузуу фактылары катталды.
Бул тууралуу Кыргызстандын санариптик өнүктүрүү министринин орун басары Асел Кененбаева парламент жыйынында кабарлады.
Жол эрежесин бузуу боюнча фактылардан өндүрүлгөн айыптын суммасы — 1 млрд 800 млн 757 миң 285 сом болду.
«Коопсуз шаар» долбоору Бишкек шаарында 2019-жылы 4-марттан тарта иштей баштаган. Учурда Бишкектин 38 көчөнүн кесилиштеринде видео камералар орнотулган. Ошондой эле Чүй облусунун аймактарында 52 жерде видео байкоо бар.