Учурда ЖЭБдин электр энергия өндүрүүсүн көбөйтүү боюнча иш алып барылууда. Бул тууралуу Улуттук энергохолдингдин энергия менен камсыздоо жана генерация башкармалыгынын башчысы Максат Жумабаев «Маралга» берген маегинде билдирди.
Анын айтымында, былтыркы-мурдагы жылдары ТЭЦтин иштеп чыгуусу жайкысын 55 мегаватт болчу, азыр 155 мегаваттка чейин көтөрүлдү.
«Былтыр, 2020-жылдары 1 млрд 400 киловатт/саат өндүрсө, быйыл 2 млрд 500 млн киловатт/саат өндүрүү пландалууда», — дейт ал.
Жумабаев элди энергияны үнөмдөөчү лампаларды колдонууга, турак жайын жылуулап, терезелерин алмаштырып, табигый жарыкты көп колдонууга, электр энергиясын үнөмдүү сарптай турган турмуш-тиричилик техникаларын колдонууга чакырды.