Афганистандагы Талибан кыймылы Тажикстан менен чектеш районго өз көзөмөлүн орнотту. Соңку бир нече айда Ооганстандагы көптөгөн райондор «Талибандын» колуна өтүп кетти. Бул тууралуу «Пажвок» агенттигине таянып, «Азия-Плюс» маалымдады.
Афганистандын Кундуз провинциясындагы Имам Сахиб району Тажикстандын Хатлон облусундагы Панж району менен чектешкен. Кечээ, 21-июнда «Талибан» кыймылы бул районду өз көзөмөлүнө алып, учурда Кундуз шаарын алууга чабуулун баштаган.
Маалыматта: «Шаардын дарбазасы талибдердин колунда, бардык жагынан курчоого алынган. Калаадагы абал курчуй баштады», — деп айтылган.
Акыркы бир канча айда Афганистандагы көптөгөн райондор Талибан кыймылынын көзөмөлүнө өткөн. Соңку бир канча күн ичинде өкмөттүн аскерлери 15 райондон чыгып кетүүгө мажбур болгон.