16-17-июнь күндөрү Өзгөчө кырдаалдар министрлигинин куткаруучулары Кыргызстандагы Путин чокусун багындырышты.
Аталган чокунун бийиктиги 4 миң 446 метрди түзөт. Ага министрликтин Куткаруучуларды даярдоо мамлекеттик борборунун кызматкерлери чыгышкан.
Бул иш-чара Өзгөчө кырдаалдар министрлигинин 30 жылдыгына жана Өрткө каршы кызмат менен Гидрометеорология агенттигинин 95 жылдык мааракесине арналган.
Эскерте кетсек, 2011-жылы Чүйдөгү тоо чокуларынын бирине ошол кездеги премьер-министр Алмазбек Атамбаевдин кол койгон буйругуна ылайык Орусиянын президенти (ал кезде премьер-министр болуп турган) Владимир Путиндин ысымы ыйгарылган.
