Төлөмүш Океев атындагы «Кыргызфильм» улуттук киностудиясы 2022-жылга карата оюн жана даректүү тасмаларга киносценарий жана сценардык билдирмелерди кабыл алат. Бул тууралуу Кыргызстандын Кинематография департаментинен билдиришти.
Кабыл алуу 2021-жылдын 30-сентябрында аяктайт.
Киносценардык билдирмеде төмөнкүлөр камтылат:
-жанр;
-хронометраж;
-логлайн;
-синопсис;
-автордун аты-жөнү жана байланыш үчүн телефон номери/электрондук почта.
Сценарийлер Кыргызстандын конституциялык мыйзамдарына каршы келбеши керек.
Сценардык билдирмелер жана сценарийлер Д. Асанов көчөсү 1 («Кыргызфильм» киностудиясы, 2-кабат, баш редактордун кеңсеси) дареги боюнча кабыл алынат. Ошондой эле электрондук почта аркылуу kyrgyzfilm.redakciya@gmail.com дарегине жөнөтсө болот.
Суроолор боюнча kyrgyzfilm.redakciya@gmail.com дареги боюнча кайрылыңыздар.