Өзбекстанда «Жаңы Анжиян» шаары курулат. Бул тууралуу kun.uz сайты жазды.
Шаардын курулушунун расмий башталышы бүгүн, 17-июнда Анжиян облусуна иш сапары менен барган Өзбекстандын президенти Шавкат Мирзиёевдин катышуусу менен өтөт.
Башкы план боюнча шаардын аянты дээрлик 4 миң гектарды ээлейт. Анын 1 миң 439 гектарына турак үйлөр, мектеп, бала бакча, соода борборлору, чакан өнөр жай аймагы, оорукана салынат. Ошондой эле 499 гектарды жол-көчөлөр, 1 миң 820 гектарын жашыл аймак ээлейт.
Жаңы калаа Анжиян шаарына канатташ салынат. Ал шаар 411 миң адам жашаганга ылайыкталууда.