«Бишкек жылуулук энерго» ишканасы жыл сайын шаарды кийинки жылуулук мезгилине даярдоо үчүн 30 млн сомдун тегерегинде каражат жумшайт. Бул тууралуу аталган ишкананын өндүрүштүк-техникалык бөлүмүнүн начальниги Азат Аблабеков «Маралга» берген маегинде билдирди.
Анын айтымында, ишкананын өзүндө 147 чакырым жылуулук түтүкчөлөрү бар. Алардын көбүнүн колдонуу мөөнөтү өтүп кеткен. Каражат чектелүү болгондуктан, жылына 3 чакырымга жакын суу түтүкчөлөрү алмаштырылат да, калганы оңдолуп-түзөлүп колдонулат.