Бишкекте «Кыргыз киносун өнүктүрүү» фонду түптөлдү. Бул тууралуу фонддун директору Адил Урдинов «Маралга» маалымдады.
Фонд улуттук кино өндүрүшүн өнүктүрүүгө салым кошуу, жаш режиссёрлорго көмөк көрсөтүү максатында уюшулган.
— «Кыргыз киносун өнүктүрүү»фондуна Кыргызстандын жаш кино жаратуучулары, фильм тартам деген таланттар кайрылса болот. Бизге эгерде ал тасманын сюжети, маани-мазмуну, бюджети туура келсе, конкурс уюштуруп, андан өткөндөрдү каржылайбыз. Ал жакта өзүнүн алгоритмдери, системалары бар. Демек, бизге кайрылган кинокомпанияны карап чыгып, кайсыл жагынан көбүрөөк пайда түшөрүн изилдеп, ошол тарапка басым жасайбыз, — деди Адил Урдинов.
Белгилей кетсек, фонд ачуу идеясын «Азия MIX» КВН командасынын жетекчиси, шоумен Эльдияр Кененсаров сунуштап, алгачкы капиталды Бабур Төлбаев салган.