Кыргызстандык режиссер Артыкпай Сүйүндүковдун «Шамбала» тасмасы Imagine India Film Festival эл аралык кинофестивалына катышат. Бул тууралуу «Кыргызфильм» киностудиясы билдирди.
Аталган кинофестиваль Испанияда 24-сентябрдан 9-октябрга чейин өтөт.
Эскерте кетсек, «Шамбала» тасмасы Чыңгыз Айтматовдун «Ак кеме» повестинин негизинде тартылган. Ал буга чейин эл аралык фестивалдарда бир нече сыйлыктарды алган.