Өзбекстанда Эверест чокусун багындырган альпинист Сергей Денисенко «Өзбекстандын сыймыгы» ардак наамы менен сыйланып, андан тышкары президент Шавкат Мирзиеевдин атынан автоунаа белекке берилди.
Денисенко Эверестке 1-июнда чыгып, аны Өзбекстандын эгемендүүлүгүнүн 30 жылдыгына арнаган.
Белгилей кетсек, май айында кыргызстандык альпинист Эдуард Кубатов Эверестти багындырган. Ал мекенине 5-июнда келген. Эдуард Кубатов — дүйнөнүн эң бийик чокусун багындырган экинчи кыргызстандык. 1997-жылы Дмитрий Греков да чокуга чыгып келген.
Эверест – Жер шарындагы эң бийик чоку болуп эсептелет. Анын бийиктиги дээрлик 8 миң 849 метрге жетет.
