Жети-Өгүз районундагы Дархан айылынын унаа жолундагы кырсыктан 3 адам каза тапты. Бул тууралуу Өзгөчө кырдаалдар министрлиги билдирди.
Кырсык бүгүн, 8-июнда таңкы саат 4:30 чамасында болгон. Ысык-Көлдүн тескей унаа жолунун 178-чакырымынан (Дархан айылынын чоң жолу) BMW-525 жана AUDI C-4 унаалары кагышкан.
Окуя болгон жерге Каракол шаарынын №15 өрткө каршы куткаруу бөлүмүнөн 4 кызматкер барган. Кырсыктан 3 адам көз жумуп, эки адам ооруканага жеткирилген.