Евробиримдик Баткендеги чек ара жаңжалында жабыркагандарга гуманитардык жардам катары 170 миң евро (17,5 млн сомго жакын) бөлдү.
Аталган жардам Баткен облусунун көбүрөөк жабыркаган райондорунда, анын ичинде Лейлек районунун 6 миң тургунуна берилет. Каражат «Кызыл жарым ай» коомунун Кыргызстандагы кеңсеси аркылуу даректүү бөлүштүрүлөт.
Эскерте кетсек, апрель айынын аягында кыргыз-тажик чек арасында болгон куралдуу кагылышта Кыргызстан тараптан 36 киши каза болуп, 180ден ашык адам ар кандай жаракат алган. 50 миңден ашык турган үйүн таштап кетүүгө аргасыз болгон.