1991-жылдан бери Казакстанга 1 млн 77 миң 300 этникалык казак көчүп келген. Бул тууралуу «Казинформ» агенттиги жазды.
Ал эми быйыл беш ай ичинде тарыхый мекенине кайтып келген 6 миң 935 этникалык казак «кандас» макамын алган. Алардын 76,3%ы Өзбекстандан, 10,4%ы Кытайдан, 6,2%ы Түркмөнстандан, 2,7%ы Монголиядан жана 4,4%ы башка өлкөлөрдөн келген.
Тарыхый мекенине быйыл кайтып келген этникалык казактардын басымдуу бөлүгү Алматы, Түркстан, Мангыстау, Жамбыл облустарына жана Шымкент шаарына отурукташкан.