Министрлер кабинетинин төрагасы Улукбек Марипов Казакстандын Кыргызстандагы элчиси Рапиль Жошыбаевди кабыл алды. Бул тууралуу Министрлер кабинетинин басма сөз кызматы билдирди.
Жолугушуунун жүрүшүндө тараптар соода-экономикалык, маданий-гуманитардык жана башка чөйрөдөгү эки тараптуу кызматташтыктын актуалдуу маселелерин талкуулашты. Сүйлөшүү учурунда Казакстандын аймагы аркылуу жүк ташыган кыргыз тараптын унааларынын кыргыз-казак чек арасындагы тыгыны маселесин чечүүгө өзгөчө көңүл бурулган.
Ошондой эле Улукбек Марипов элчини Кыргызстандагы дипоматиялык ишинин башталышы менен куттуктап, жооптуу кызматтагы ийгиликтерди жана жемиштүү ишти каалады.