Коңшу өлкөлөр Кыргызстандан суу алып турганы үчүн акча төлөшү керек. Мындай пикирин Улуттук илимдер академиясынын бийик тоолуу Тянь-Шань илимий борборунун жетекчиси Рысбек Сатылканов «Маралга» берген маегинде билдирди.
Анын айтымында, Улуттук илимдер академиясынын суу көйгөйлөрү жана гидроэнергетика институтунун курамы суунун баасын экономикалык ыкма менен эсептеп, далилдеп чыгышкан.
«Алардын эсептөөлөрү боюнча бүгүнкү күнү биз кошуналарга топтоп берип жаткан суу, биздин аларга көрсөткөн кызматыбыз үчүн жылына 150 млн доллар алсак туура болмок», — дейт ал.