Чек аралардын убактылуу жабылганына байланыштуу 25-майда Тажикстандын Душанбе шаарынан «Манас» аэропортуна келген чартердик каттам артка кайтарылды. Учактагы 186 жарандын 177си тажикстандык, тогузу башка өлкөдөн болгон. Тажикстандыктар келген жагына кетирилип, үчүнчү өлкөлөрдүн жарандары Бишкекте калган. Учак түнкү саат 03:17де Душанбеге кайра учкан.
24-майда кыргыз-тажик чек араcына убактылуу чектөө киргизилген. Ага ылайык, Тажикстан жарандарынын Кыргызстандын аймагына кирүүсүнө, өлкө ичинде жүрүүсүнө жана транзиттик өлкө катары пайдалануусуна бөгөт коюлду. Ошондой эле «Кулунду-Автодорожный», «Кайрагач-Автодорожный», «Кызыл-Бел-Автодорожный», «Бордо-Автодорожный» жана «Карамык-Автодорожный» пункттарынан Тажикстанга товарларды жана транспорт каражаттарын алып өтүүгө убактылуу тыюу салынды.
Тажикстандын жалпыга маалымдоо каражаттары билдиргендей, мындай абал аба каттамдарына терс таасирин тийгизген. Анткени Тажикстандын жарандары транзиттик жол менен Кыргызстан аркылуу учуп келишкен.
«Kaktus.media» редакциясы Бишкек жана Душанбе шаарларынан белгилүү шаарларга авиабилеттердин бааларын салыштырды.
Эң арзан билеттер: (ушул жылдын 3-июнуна карата бир тарапка билеттердин баасы. Учуу шаарлары: Бишкек жана Душанбе).
- Бишкек — Новосибирск — 26 700 рубль;
- Душанбе — Новосибирск — 87 800 рубль;
- Бишкек — Москва — 25 900 рубль;
- Душанбе — Москва — 85 400 рубль;
- Бишкек — Екатеринбург — 25 600 рубль;
- Душанбе — Екатеринбург — 84 300 рубль;
- Бишкек — Шарм-аш-Шейх — 23 100 рубль;
- Душанбе — Шарм-аш-Шейх — 76 000 рубль;
- Бишкек — Стамбул- 19 200 рубль;
- Душанбе — Стамбул — 70 100 рубль;
- Бишкек — Дубай — 15 700 рубль;
- Душанбе — Дубай — 56 500 рубль.
Эң тез учуу: (ушул жылдын 3-июнуна карата бир тарапка билеттердин баасы. Учуу шаарлары: Бишкек жана Душанбе).
- Бишкек -Новосибирск — 54 400 рубль;
- Душанбе — Новосибирск — 96 800 рубль;
- Бишкек — Москва — 25 900 рубль;
- Душанбе — Москва- 85 400 рубль;
- Бишкек — Екатеринбург — 28 800 рубль;
- Душанбе — Екатеринбург — 95 200 рубль;
- Бишкек — Стамбул -20 200 рубль;
- Душанбе — Стамбул — 75 700 рубль;
- Бишкек- Дубай — 42 800 рубль;
- Душанбе — Дубай — 56 500 рубль.