Аскер прокуратурасынын тергөө тобу тарабынан «Элит Хаус» компаниясынын ээси Тимур Файзиевге издөө жарыяланды. Бул тууралуу Башкы прокуратуранын басма сөз кызматы кабарлады.
27-майда Бишкектин Биринчи май райондук соту Тимур Файзиевди сыртынан камакка алуу чечимин чыгарган. Ага Жаза аткаруу кызматынын №1 абагына камакка алуу түрүндө баш коргоо чарасы тандалган.
Жалпыга маалымдоо каражаттарынын жазганына караганда, Тимур Файзиев коррупцияга шектелип жатат. Ал мурда козголгон кылмыш ишинин алкагында айыпталган.