Бишкекте «Супара-2» этнокомплексинин аймагында өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, Чуңкурчак капчыгайындагы «Супара-2» этнокомплексинин аймагында жайгашкан контейнердин 35 чарчы метр ички жыгач жасалгасы күйгөн. Өрттүн себеби такталууда.
Ошондой эле шаардын Жибек-Жолу проспектисинде жалпы аянты 2 чарчы метр болгон жыгач ажаткана өрттөнгөн.
Көк-Жар конушундагы Босого көчөсүндө жыгач устундуу черепица жабылган мончонун 75 чарчы метр чатыры күйгөн. Өрттүн себеби такталууда.