Бразилиянын президенти Жаир Болсонаро ири иш-чарага катышканы жана анда беткапсыз жүргөнү үчүн өз өлкөсүнө айып пул төлөйт.
Иш-чара Мараньян штатында өткөн. Айып пул боюнча журналисттердин суроолоруна штаттын губернатору Флавио Дино: «Мыйзам баарына бирдей», — деген жооп узаткан.
Бразилия өлкөсүндө «ар кандай иш-чараларда катышуучулардын саны 100дөн ашпашы керек» деген чектөө бузулуп, президент менен жолугушууга 500дөн ашуун адам келген.