«Ювентус» футболдук клубу «Аталантаны» жеңип, Италия Кубогуна ээ болду. Бул тууралуу news.sportbox.ru басылмасы жазды.
Өлкө Кубогу үчүн болгон беттештин финалдык оюну Режо-Эмилия шаарынын «Мапеи — Читта-дель-Триколоре» стадионунда өтө курч мүнөздө өттү.
«Ювентустан» жарым коргоочу Уэстон Маккени 31-мүнөттө жана дагы бир жарым коргоочу Деян Кулушевски 72-мүнөттө гол жаратса, ал эми «Аталантанын» коргоочусу Ханс Хатебур 41-мүнөттө гол тээп, жалпы эсеп 2:1 эсебинде «Ювентустун» пайдасына аяктады.
Эскерте кетсек, Италиянын мыкты футболдук клубдары рейтингинде «Аталанта» экинчи орунду, «Ювентус» бешинчи орунду ээлейт.