Арстанбек Базаркулов ушул жылдын 24-августунан 5-сентябрына чейин Токио шаарында өтө турган XVI Паралимпиада оюндарына жеңил атлетика боюнча (ядрону түртүү) алгачкы лицензияга ээ болду.
Арстанбек Базаркулов 6-14-февралда Дубай шаарында өткөн пара жеңил атлетика боюнча Гран-при лицензиялык мелдешинде 5-орун, 13-22-мартта Тунисте өткөн Гран-при мелдешинде 4-орун, 7-18-майда Швейцарияда өткөн Гран-при мелдешинде коло медаль алган. Ушул үч лицензиялык мелдештин жыйынтыгы менен Токиого жолдомо берилди.
Белгилей кетсек, спортчунун аталган мелдештерге катышуусу Спорттун олимпиадалык эмес түрлөрү боюнча дирекциясы тарабынан каржыланган.