«Центеррага» каршы Эл аралык арбитраждык сотто Кыргызстандын кызыкчылыгын 3 компания коргойт. Бул тууралуу парламент депутаты, «Кумтөр» боюнча мамлекеттик комиссиянын мүчөсү Айнуру Алтыбаева «Маралга» берген маегинде билдирди.
Алар: британиялык, канадалык жана америкалык компаниялар.
«Кыргызстан бул маселелер боюнча күчтүү, тажрыйбалуу, жергиликтүү мыйзамдарды билген 3 компанияны жалдады. Алардын аттарын айтпай эле коеюн. Ал компаниялар — кен багытында иштеп жүргөн юридикалык компаниялар. Сотто утуп чыккан сумманын 10%ы алардын кызматы үчүн төлөнөт. Утуп чыкканга чейин да эксперттер өз иши үчүн акча алат», — дейт депутат.