2021-жылдын биринчи кварталында (январь-март) Кыргызстанга чет өлкөдөн 543 миллион доллар которулган. Бул туралуу Улуттук банк билдирди.
Анда жеке тараптардын каражат которуу системасы аркылуу келип түшкөн акчасы гана эсептелген.
Эгер бул маалыматты мурдагы жылдардын (2005-жылдан берки) ушул мезгилине салыштыра турган болсок, азыркы статистика рекорддук көрсөткүч болуп калат.
Төмөнкү жылдары январь-март айларында чет өлкөдөн которуулар 400 миллион доллардан ашкан:
- 2020 — 457,7 миллион доллар;
- 2019 — 540,4 миллион доллар;
- 2018 —505,8 миллион доллар;
- 2017 — 444,5 миллион доллар;
- 2014 — 412,6 миллион доллар;
- 2013 — 423 миллион доллар.
Белгилей кетсек, мындан башка жылдары эң жогорку көрсөткүч 2012-жылы катталып, 363,8 миллион долларды түзгөн.