Мамлекеттик салык кызматы жыл башынан бери жарандардын кайрылуусу боюнча 32 кызматкерди жоопко тартты.
Быйыл Салык кызматына жарандардан 100 кайрылуу жана даттануу келип түштү. Анын ичинен 3 арыз ишкерлер тарабынан салык мыйзамдарынын сакталбагандыгы боюнча, 20сы салык органдарынын кызматкерлеринин укуксуз иш-аракеттерине тийиштүү, 77си ар түрдүү маселелер боюнча.
Текшерүүнүн жүрүшүндө 7 арыз боюнча фактылар тастыкталган жок, 12 арыз тастыкталды, дагы 1 кайрылуу кароо стадиясында турат.
Кабыл алынган чаралардын натыйжасында 32 кызматкер жоопко тартылды, анын ичинен 2 кызматкер ээлеген ордунан төмөндөтүлдү, 17 кызматкер катуу эскертүү алды, 7 кызматкер сөгүш жана 1 кызматкерге ээлеген кызматына толук ылайык келбөө жарыяланды, 5 кызматкер ротацияланды.