Филиппиндин президенти Родриго Дутерте полицияга беткап кийбегендерди камакка алууну буйруду.
«Мен полицияга беткап такпаган адамдарды камакка алууну жана алардын эмне үчүн ушундай кылып жаткандыгын билүүнү тапшырдым», — дейт Филиппин президенти.
Тактап айтканда, масканы туура эмес кийип алгандар — оозу-мурдун жаппастан ээгине кийгендер да полиция тарабынан кармалат.
«Мамлекеттин бул аракети башкаларга вирус жуктурбоо жана өзүн дагы коргоп жүрүү максатын көздөйт», — деди Дутерте.
Пандемия башталгандан бери Филиппинде 1 миллиондон ашуун адам коронавирус жугузуп, 17 миңден ашуун бейтап көз жумган.