1-июлда президенттик башкаруу толук күчүнө киргенде, Министрлер кабинетинин жаңы курамы да түзүлөт. Бул тууралуу саясат талдоочу Шерадил Бактыгулов «Маралга» берген маегинде билдирди.
«Биз буларды техникалык өкмөт катары эсептеп жатабыз. 5-майда жаңы Конституция күчүнө кирип, Өкмөттүн ордуна Министрлер кабинети болуп бекитилди. Учурдагы өкмөт башчы Улукбек Марипов Министрлер кабинетинин төрагасы катары дайындалганга милдеттүү болуп калды. Көп болсо, 1,5-2 айдан кийин эле жаңы Министрлер кабинети келет. Ошондо Улукбек Марипов өз ордун сактап калабы, калбайбы, ал башка маселе», — дейт саясат талдоочу.