Премьер-министр Улукбек Марипов кыргыз-тажик мамлекеттик чек арасындагы кырдаалды жөнгө салуу боюнча кеңешме өткөрдү. Бул тууралуу Өкмөттүк Аппараттын маалымат кызматы билдирди.
Марипов биринчи кезекте жергиликтүү калкка кам көрүү максатында, азык-түлүк, тамак-аш, дары-дармектер, гигиена каражаттары жана башка муктаждыктарды камсыздоо зарыл экени билдирди. Ал камсыздоо үзгүлтүксүз түрдө жүргүзүлүшү керектигин белгиледи.
Премьер-министр Баткен облусунун тургундарына жардам көрсөтүү иретинде Өкмөт тарабынан түзүлгөн “Баткенге көмөк” штабынын ишинин алкагында жакын арада Баткенге гуманитардык жүктүн партиясы жөнөтүлөрүн кошумчалады.