Борбор калаанын Биринчи Май району башаламан соода кылгандарга 51 миң сом айып салды. Бул тууралуу Бишкек мэриясынын басма сөз кызматы билдирди.
Маалыматка ылайык, акимиаттын кызматкерлери борбордук «Ала-Тоо» аянтындагы башаламан сооданы жоюу боюнча рейддерге чыгууда.
Велосипед жана батут ижарасынын ээлерине — өкмөттүк имараттардын, маданий эстеликтердин, сыйынуучу жайлардын жанына, жүргүнчүлөр өтүүчү жолго жана тротуарларга уруксатсыз көңүл ачуучу жайларды орнотууга тыюу салынат деген эскертүү берилүүдө.
Башаламан соода кылган адамдарга карата Бузуулар кодексинин 293-беренеси боюнча жалпы суммасы 51 миң сомду түзгөн 17 административдик протокол түзүлгөн.