Лейлек району аркылуу Тажикстанга торпок жүктөп бараткан жаран кармалды. Бул тууралуу Чек ара кызматы билдирди.
Маалым болгондой, Лейлек районунун Максат айылына жакын жерден чек арачылар «Hyundai-Porter» үлгүсүндөгү жеңил жүк ташуучу унааны токтотушкан. Унаанын айдоочусу 8 баш торпокту Тажикстанга мыйзамсыз алып өтүүгө аракет жасаган. Малдын жалпы базар баасы 320 миң сомго бааланды.
Атайын документтер толтурулган соң, кармалган жаран тиешелүү органдарга өткөзүлүп берилди.