Замирбек Карашев Мамлекеттик бажы кызматынын төрагасынын орун басары кызматынан бошотулду. Тиешелүү буйрукка Өкмөт башчы Улукбек Марипов кол койгонун Мамлекеттик бажы кызматы сайтына жазды.
Премьер-министрдин дагы бир буйругу менен бошогон Мамлекеттик бажы кызматынын төрагасынын орун басары кызматына Замирбек Малабеков дайындалды.
Малабеков 2014-2016-жылдары Бишкек шаарынын биринчи вице-мэринин милдетин аткаруучу болгон. Буга чейин бажы кызматында жетекчи орундарда иштеген, бажы кызматынын генерал-майору.
Мамлекеттик бажы кызматынын төрагасынын орун басарлары Бакыт Алиев менен Элнура Мамбетжунушева өз ордунда калды.