Кыргызстанда балдарды полиомиелитке каршы эмдөө башталды. Бул тууралуу Саламаттыкты сактоо жана социалдык өнүгүү министрлигинин басма сөз кызматы билдирди.
Маалыматка ылайык, бул өнөктүк 19-апрелден 19-майга чейин жүргүзүлөт жана 2016-жылдын 1-апрелинен 2018-жылдын 15-февралына чейин төрөлгөн балдар полиомиелитке каршы вакцина алышат. Эмдөө акысыз болот.
Министрлик балдардын 95 пайызы эмдөөнү өткөрүп жибергенин, андыктан өнөктүк уюштурулганын белгиледи. 270 миңден ашуун баланы эмдөө пландалууда.
Полиомиелит — кооптуу жана өлүмгө алып келе турган жугуштуу оору. Бул ооруга каршы дары-дармек жок, полиомиелитке каршы эмдөө коопсуз жана таасирдүү болуп саналат.