Чек ара маселесин чечүүдө ачык жана жабык маалыматтар болушу шарт. Бул тууралуу УКМКнын төрагасынын мурдагы орун басары Артур Медетбеков «Маралга» берген маегинде билдирди.
«Кара-Суу, Өзгөн боюнча да маалыматтар берилиптир. Ал жерде да дүрбөлөң болууда. Андыктан тийиштүү жетекчилер маалымат берерде аныктап, кылдаттык менен мамиле кылышы зарыл», — дейт Медетбеков.
Анын айтымында, чек ара маселесин чечүүдө мамлекеттик комиссияга кирген мүчөлөр биринчи кезекте Кыргызстандын, жергиликтүү элдин кызыкчылыгын ойлошу керек.