Бишкекте 2-апрелден 8-апрелге чейин 5 миң 638 жол эрежесин бузуу катталды. Бул тууралуу Милициянын кайгуул кызматынан кабарлашты.
Маалыматка ылайык, анын ичинен:
— мас абалында унаа башкаруу — 67;
— унаанын алдыңкы жана каптал терезелерин караңгылатып айдоо — 11;
— айдоочулук кубөлүгү жок унаа башкаруу — 99;
— «Коопсуз шаар» долбоору боюнча төлөнбөгөн айып пулдары бар унаалар — 110;
— башка жол эрежелерин бузуулар — 5 351.
Кайгуул кызматынан кошумчалагандай, эреже бузган 417 унаа айып короосуна токтотулган.
Бишкек милициясынын кайгуул кызматы жол эрежесин так сактоого чакырат.