Улуу Британиянын Ханышасы Елизаветанын күйөөсү, Эдинбург герцогу Филиптин каза болгондугуна байланыштуу аза күтүү жарыяланды. Букингем сарайынын желеги түшүрүлүп, англистер сарайга гүл алып келишүүдө.
Канзаада Филип кечээ, 9-апрелде 99 жашында Виндзор сарайында көз жумган.
Жерге берилгенге чейин Филиптин сөөгү Виндзор сарайында кармалат. Акыркы сапарга узатуу зыйнаты Георгий чиркөөсүндө өтөт.
Ханзаада Филип Маунтбеттен 1921-жылы 10-июнда Грецияда төрөлгөн. Ал Грециянын королу Георг Iнин небереси жана канзаада Андрейдин уулу. Андрейдин улуу агасы Константин I 1922-жылы тактан баш тартканда, канзаада Филиптин үй-бүлөсү Грециядан куугунтукталган. Ал Улуу Британиянын ханышасы менен колледжде окуп жүргөндө таанышкан. Алар 1947-жылы баш кошкон. Экөөнүн ортосунда төрт баласы бар.
Маалыматка ылайык, герцог Филип жакында 100 жашка толмок.
