Кыргызстанда акыркы суткада 430 адам коронавируска каршы эмделди. Бул тууралуу Саламаттыкты сактоо жана социалдык өнүктүрүү министрлигинин басма сөз кызматы билдирди.
Ал эми 29-марттан бери бүгүнкүгө чейин өлкөдө жалпы 1279 адамга коронавируска каршы эмдөө жүргүзүлдү.
Алар:
— Бишкек шаарында — 306 адам,
— Ош шаарында — 283 адам,
— Чүй облусунда — 151 адам,
— Ош облусунда — 319 адам,
— Ысык-Көл облусунда — 98 адам,
— Баткен облусунда — 11 адам,
— Нарын облусунда — 111 адам.
Калкты эмдөө үчүн Бишкекте 5 пункт ачылган. Бириккен үй-бүлөлүк медицина борборунун жана №7 үй-бүлөлүк медицина борборунун базасында, Ысык-Ата жана Сокулук райондорунун үй-бүлөлүк дарыгерлер борборуна 5 эмдөө пункту, Ошто №8 жана №10 ҮМБнын эки филиалынын базасында 2 пункт ачылган.
Белгилей кетсек, Кыргызстанга Кытайдын «SinoPharm» вакцинасынын 150 миң дозасы келген. Аны менен 75 миң адам эмделет. Вакцинаны биринчилерден болуп 29-мартта Саламаттыкты сактоо жана социалдык өнүктүрүү министри Алымкадыр Бейшеналиев алган.