Билим берүү жана илим министрлиги «Ковидден кийинки мезгилде дүйнөлүк экономиканы өнүктүрүүдөгү билим берүүнүн ролу» аталышында ректорлордун эл аралык форумун өткөрөт. Бул тууралуу министрликтин басма сөз кызматы билдирди.
Иш-чараны өткөрүү 5-8-сентябрга пландалды. Анда билим берүү жаатында эл аралык кызматташуу маселелерин чечүү үчүн дүйнө жүзүнөн 200дөн ашуун жогорку окуу жайдан өкүлдөр келери күтүлүүдө.
Форумдун максаты — дүйнөнүн алдыңкы окуу жайларынын топ-менеджерлерин жана ректорлорун бир аянтчага чогултуу, окуу жайлар аралык кызматташуу жөнүндө макулдашууларга кол коюуну демилгелөө.
Учурда уюштуруу комитети Форумду өткөрүү боюнча иш-чаралардын планын бекитүү, программасын даярдоо, чет өлкөдөн келе турган коноктордун тизмесин түзүү иштерин жүргүзүп жатат.