Соңку суткада өлкө аймагында 15 өрт кырсыгы катталып, аларды өчүрүүгө 19 өрт өчүрүү бөлүмү тартылды. Бул тууралуу бүгүн, 9-апрелде Өзгөчө кырдаалдар министрлигинин басма сөз кызматы билдирди.
Өрт чыккан облус-шаарлар:
— Бишкек шаарында — 4,
— Жалал-Абад облусунда — 1,
— Баткен облусунда — 1,
— Ош облусунда — 2 өрт кырсыгы катталган.
Чүй облусунун Ысык-Ата районундагы Ивановка айылынын Ильин көчөсүндөгү турак үйдөн өрт чыккан. Өрттүн себеби электр зымдарынын тийишип кетүүсү болгон.
Бишкек шаарынын Биринчи Май районундагы Сыдыков-Коенкозов көчөлөрүнүн кесилишинде жайгашкан 4 чарчы метр кароолчу будка күйгөн. Өрттүн себеби такталууда.
Алай районунун Гүлчө айылындагы Нарматов көчөсүндө жайгашкан 24 чарчы метр турак үй толугу менен күйгөн. Өрттүн кесепетинен 1965-жылы туулган эркек адам каза болгон. Учурда себеби такталууда.