Минск шаарындагы «Беларусь» кинотеатрында 9-апрелден 11-апрелге чейин Кыргыз киносунун күндөрү өтөт. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди.
Маалым болгондой, 9-апрелде иш-чаранын ачылыш аземи болот.
Программада төмөнкү тасмалар камтылган:
1. «Дарак ыры» мюзикли — 9-апрелде саат 17.00дө;
2. «Сүтак» тасмасы — 10-апрелде саат 13.00дө;
3. «Ысык-Көлдүн кызгалдактары» тасмасы — 11-апрелде саат 13.00дө.