Бишкекте 26-марттан 1-апрелге чейин 5 миң 582 жол эрежесин бузуу фактысы катталды. Бул тууралуу Милициянын кайгуул кызматынан билдиришти.
Маалым болгондой, төмөнкүдөй эреже бузуу катталган:
— Мас абалында унаа башкаруу — 59;
— Автоунаанын алдыңкы жана каптал терезелерин караңгылатып айдоо — 15;
— Айдоочулук күбөлүгү жок автоунаа башкаруу — 88;
— «Коопсуз шаар» долбоору боюнча төлөнбөгөн айып пулдары бар унаалар — 113;
— Башка жол эрежелерин бузуулар — 5 307.
Ошондой эле 502 унаа убактылуу айып жайына токтотулду.
Милициянын кайгуул кызматынын кызматкерлери шаардыктардан өздөрүнүн коопсуздугу үчүн жол кыймылынын эрежелерин сактоону суранышат.