Алайда кар көчкү алдында калган өспүрүмдү издөө иштери кайрадан улантылууда. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, 2-апрелде болжол менен саат 13:30да Ош облусунун Алай районундагы Терек айылында тоодон кар көчкү түшкөн. Ошол учурда 2007-жылы туулган Э. уулу Б. аттуу бала мал карап жүрүп дайынсыз жоголгон.
Бүгүн жеринде издөө иш-чараларын жүргүзүү үчүн ӨКМден 30 куткаруучу, ИИМден 10 кызматкер, мындан сырткары жергиликтүү тургундар тартылган.
Эскерте кетсек, кечээ, 3-апрелде жоголгон баланын ата-энесинин макулдугунун негизинде издөө иштери токтотулган.