Баткен облусунун Лейлек районунда аткезчилик жол менен Тажикстандан лимон ташыган унаа кармалды. Бул тууралуу УКМКнын басма сөз кызматы билдирди.
Жалпы салмагы 3 тоннаны түзгөн тиешелүү коштоочу документтери жок аткез товарды Кыргызстанга сатуу үчүн алып келаткан.
Учурда УКМК тарабынан иштин жана ага тиешеси бар адамдардын фактылык жагдайларын аныктоого багытталган тергөө-оперативдик иштер улантылууда.