Быйыл тышкы карызды тейлөөгө кеткен чыгымдар 21 миллиард 602,2 миллион сомду түзөт. Бул тууралуу Кыргызстандын 2021-жылга республикалык бюджетинин жана 2022-2023-жылдарга божомолунун долбоорунда айтылат.
Анын ичинен:
- пайыздар боюнча — 5 млрд 254,7 млн сом (24,3%);
- калгандары боюнча — 116,5 млн сом (0,5%);
- негизги сумма боюнча — 16 млрд 231 млн сом (75,2%) каралган.
Документке ылайык, 2021-2023-жылдары көп тараптуу насыяларды тейлөө чыгымдары эки тараптуу насыяларды тейлөө чыгымдарынан ашып түшөт, ал төмөнкүлөр менен түшүндүрүлөт:
• Кыргыз Республикасынын мамлекеттик тышкы карызынын жалпы түзүмүндө көп тараптуу насыялардын санынын кеңири жайылышы;
• көп тараптуу насыялар боюнча негизги карыздын төлөө мөөнөтүнүн башталышы;
• эки тараптуу насыялардын көпчүлүгүнүн негизги суммасын төлөө үчүн төлөмдөрдүн кеч башталышы (негизинен 2021-жылдан кийин).