Бүгүн, 29-мартта Кыргызстанда коронавируска каршы эмдөө башталды. Буга байланыштуу Саламаттыкты сактоо жана социалдык өнүктүрүү министри Алымкадыр Бейшеналиев брифинг уюштуруп, эмдөө кайсы жерлерде жүргүзүлө турганын билдирди.
19-мартта Кытай Кыргызстанга «Sinopharm» препаратынын 150 миң дозасын бекер берген. Бул доза 75 миң адамды эмдөөгө жетет.
Вакцина жасалчу даректер:
Бишкек шаарында №6 Үй-бүлөлүк дарыгерлер борборунда;
Бишкек шаарында №7 Үй-бүлөлүк дарыгерлер борборунда;
Сокулук жана Ысык-Ата райондорундагы Үй-бүлөлүк медицина борборлорунда;
Ош шаарындагы №8 жана №10 Үй-бүлөлүк медицина борборлорунда.
Кийинчерээк байкоо жүргүзүүнүн жыйынтыгы менен башка аймактарда эмдөө пункттары уюштурула баштайт.