Өздөрүн Биринчи май райондук ички иштер башкармалыгынын кызматкери катары тааныштырып, Сокулук районунун жашоочусунан акча талап кылган эки адам кармалды. Бул тууралуу УКМКдан билдирди.
Маалыматка ылайык, Л.Д.Э. жана Т.у.Ж. аттуу адамдар Сокулук районунун тургунунан 5 миң доллар талап кылышкан. Шектүүлөр 26-мартта 50 миң сом алып жаткан жеринен кармалган.
Алар буга чейин да арыз жазган адамдан 190 миң сом жана 1000 доллар алганы белгилүү болгон. Колго түшкөндөр УКМКнын тергөө абагына киргизилди.