28-мартта Ташкент шаарында өткөн эл аралык марафондо Кыргызстандын жөө күлүктөрү эки алтын, бир күмүш, бир коло медаль алды.
Кыз-келиндер арасында толук марафонго катышкан Мария Коробицкая 42 км 195 метр аралыкты 2 саат 36 мүнөттө чуркап өтүп, биринчи келсе, ушул эле аралыкты эркектер арасында 2 саат 16 мүнөттө чуркап өткөн Илья Тяпкин экинчи келди.
Ал эми 21,1 км жарым марафонго кыз-келиндер арасында катышкан Дарья Маслова биринчи орунду, Гүлшан Сатарова үчүнчү орунду ээледи.
Үчүнчү эл аралык марафон бүгүн, 28-мартта Өзбекстандын баш калаасы Ташкент шаарында өттү.