Армения парламенти өлкөдөгү аскердик абалды жокко чыгарды. Ал 2020-жылдын 27-сентябрында Тоолуу Карабахтагы аскердик кагылыш учурунда киргизилген болчу.
Аскердик абалды жокко чыгаруу сунушуна 118 депутат макулдугун берген, бирөө каршы болсо, дагы бир депутат добуш берген эмес.
23-мартта өлкө спикери Арарат Мирзоян аскердик абалды жокко чыгарууну сунуштаган. Аны токтотуунун бирден-бир себеби кезексиз парламенттик шайлоо өткөрүү талабы болгон. Арменияда парламенттик шайлоо 20-июнга белгиленген.