Юстиция министринин жаңы орун басары болуп Кынатбек Сманалиев дайындалды. Тиешелүү буйрукка премьер-министр Улукбек Марипов кол койду. Бул тууралуу министрликтин басма сөз кызматы кабарлады.
Маалыматка ылайык, бүгүн, 18-мартта жаңы орун басарды министр Асель Чынбаева эмгек жамаатына тааныштырды.
Кынатбек Сманалиев буга чейин Жусуп Баласагын атындагы Кыргыз улуттук университетинин юридика факультетинин деканы болуп иштеген.
4-мартта министрдин дагы бир орун басарлыгына Зарема Аскарова дайындалган.
Буга чейин Юстиция министринин эки орун басары Максатбек Есеналиев жана Манас Сарымсаков берген арыздарынын негизинде ээлеген кызматынан бошотулган.