COVID-19 боюнча республикалык штабдын берген маалыматына ылайык, акыркы суткада 55 адам коронавируска чалдыгып, Чүй облусунан бир бейтап каза тапты.
Маалым болгондой, Бишкек шаарында — 30, Ош шаарында — 2, Чүй облусунда — 13, Ош облусунда — 1, Нарын облусунда — 4, Ысык-Көл облусунда — 5 адам илдет жугузуп алганы аныкталды.
Ошол эле учурда 56 адам: Бишкек шаарында — 26, Чүй облусунда — 15, Ош облусунда — 1, Нарын облусунда — 2, Ысык-Көл облусунда — 12 адам COVID-19дан сакайып чыкты.
Стационарларда 333 бейтап, үй шартында 307 бейтап дарыланып жатат.
Пандемия башталгандан бери жалпы 87 миң 45 адам коронавируска чалдыгып, анын ичинен 83 миң 980 бейтап ооруну жеңип, 1 485 адам илдеттен көз жумган.